Pag pamuno sang Regional Task Force Kanlaon sa karon ang ginsaylo na sa pamuno sang Office of the Civil Defense Negros Island Region.
Kay na establish na ang OCD NIR, tigayon na nga ginsaylo sa idalom sang liderato sini ang pag pamuno sang Regional TF Kanlaon gikan sa OCD Western Visayas.
Angut sa amo nga transition, ang Regional Disaster Risk Reduction and Management Council VI kag VII ang nag downgrade na sa White Alert ukon Normal Alert gikan sa Blue Alert.
Nagakasayuran karon nga ang naga panguna nga katungdanan angut sa coordination, monitoring, kag response operation angut sa bulkan Kanlaon ang yara na sa OCD – NIR sa idalom ni Regional Director, Donato Sermeno, III.
Suno kay Sermeno ang RDRRMC NIR ang naga pabilin sa red alert status. Wala sang pag bag-o sa alert level status sang bulkan Kanlaon. Yara ini sa Alert Level 2.
“Ang TF Kanlaon ginsaylo na sa NIR so diri sa NIR Red kita gihapon. Sila sa Western Visayas white na sila kay nag turn-over na sila sang chairmanship sang TF Kanlaon diri sa NIR”, suno kay Sermeno.*