Gintawag nga fake encounter sang Leonardo Panaligan Command sang New People’s Army ang natabo nga enkwentro kagapon sa Brgy Trinidad sa Guihulngan City kun sa diin isa ka NPA member ang gin report nga napatay.
Ang napatay amo si Greg Cantila. Suno sa rebelde nga grupo wala sang NPA unit sa lugar sang matabo ang insidente.
Suno sa NPA gin-massacre sang army si Cantila pati na ang upod sini nga si Buging Cantila nga lunsay mga mangunguma lang.
Sila ang yara sa hitlist sang 62nd Infantry Battalion suno sa grupo. Ginpahayag naman ni General Inocencio Pasaporte, commander sang 303rd Brigade nga lehitimo ang operasyon kag ini ang kabutigan lang sang rebelde nga grupo agud i cover up ang natabo nga enkwentro.