North Central Negros Interlocal Health Zone ang nag convene agudto matutukan ang cholera cases sa 3rd district.
Luyag ni Representative Francisco Benitez, nga amo ang nagpamuno sang pagsinapol nga ang mga initiatives kag intervention kontra cholera ang mangin coordinated.
Sa 17 ka kaso sang cholera nga na report sang Negros Occidental, 16 diri ang gikan sa third District. Suno kay Benitez importante ang monthly nga monitoring sang tanan nga mga water refilling station kag mga restaurant sa Metro Third tigaylo sang quarterly nga monitoring.
Dugang pa niya dapat man nga lantawon kag ipatuman ang pag amend sa City ukon Municipal ukon Barangay Ordinance nga dapat man santo sa Department of Health Standards.
Ang pagsaka panaog sang kaso sang diarrhea kag ang geographical clustering sini ang dapat nga ma monitor kag gilayon nga ma report suno kay Benitez kag ang amo nga health concern ang dapat nga seryosohon.
Gina discourage man sang kongresista ang pag gamit sang mga unregistered nga jetmatic pumps. Mas maayo suno sa iya para sa mga private establishment ang mag connect sa local water district nga compliant sa sanitary standards.
Ginaduso man ni Benitez sa mga LGU ang pag monitor sang open defecation kag sewage treatment. Nalakip man diri ang pag monitor sang sanitary practices sang mga establisimiento nga imbolbado sa food ang beverage handling.