Negros Occidental Police Provincial Office ang wala pa makabaton sang direktiba gikan sa ila national headquarters angut sa ginahimo nga imbestigasyon sang commission on human rights sa pagpaparada sa dalan sang Silay PNP sa mga naglapas sa health protocol.
Suno sa spokesperson sang NOCPPO nga si Police Lieutenant Abegail Donasco, nagahulat lang sila sang direktiba gikan sa national headquarters kun ano ang tikang nga ila pagahimuon angut sa isyu.
Sa karon, wala man sila may nabaton nga reklamo gikan sa mga ginpaparada sa dalan.
Damlag pa, gin usisa sang CHR ang ginhimo sang Silay PNP bangud sang ila ginakabig nga human rights violation sa mga ginpaparada sa dalan.
Suno kay Donasco, may yara man sang Human Rights Affairs Office kag Internal Affairs Service ang PNP nga sarang makahimo sang moto proprio investigation kun ila nakita nga nagsayup ang hepe sang Silay PNP sa nangin desisyon sini.
Nagapabilin nga bukas ang NOCPPO sa anuman nga reklamo batuk sa ila mga opisyales kag katapo.