Negros Occidental Police Provincial Office nag paandaman na sa mga pulis sa probinsya nga likawan ang pag pangerida.
Ginpahayag ni Police Lieutenant Abegael Donasco, spokesperson sang NOCPPO nga sila ang nag pahanudmdom na sa mga kapulisan sa probinsya nga mangin tampad sa ila nga mga partner kag likawan ang pag pangerida bangud sila ang posible maga atubang sang penalidad kun ila ini buhaton.
Damlag pa gin pahayag abi ni PNP Chief Guillermo Eleazar nga kung may mga misis sang pulis nga mag reklamo angut sa pag pangerida sang iya mister, sarang makakas sa serbisyo ang ini nga pulis.
Wala pa man sang directive ukon memorandum suno kay Donasco nga nabaton ang NOCPPO angut diri, pero ila na gina paandaman ang pulis bangud sa may verbal warning na gikan sa chief PNP.
Wala pa man suno kay Donasco sila may na monitor sa karon nga mga pulis sa probinsya nga may kerida.