Digicast Negros

NOCPPO: Drug war sa Negros Occidental nangin madinalag-on

Drug war sa Negros Occidental sa idalom sang administrasyon Duterte nangin madinalag-on suno sa Negros Occidental Police Provincial Office.

Sang Lunes gin deliver ni Presidente Rodrigo Duterte ang iya pinaka ulihi nga State of the Nation Address kun sa diin iya gin pahayag ang kabudlayan sa pag tapna sang iligal nga droga sa pungsod nga iya gin pahayag sadto nga iya tapnaon sa sulod sang tatlo tubtob anum ka bulan.

Ginpahayag pa sang presidente nga isa gyapon ang iligal nga droga sa mga problema sang pungsod kag ang iban nga mga pulis ang naga intra man sa iligal nga transakyon.

Pero para kay Negros Occidental Police Provincial Office spokesperson Abegael Donasco, nangin madinalag-on ang illegal drugs campaign sa Negros Occidental.

Suno kay Donasco, na dismantle na sang NOCPPO ang tatlo sa anum ka mga drug groups sa probinsya kag ila pa padayon nga gina tinguhaan nga ma aresto man ang mga yara sa likod sang mga nabilin nga drug groups sa probinsya.

Madamo naman sang mga na recover kag mga naaresto suno kay Donasco gani dako ang gin improve sang probinsya suno sa iya bangud sang drug war nga kampanya sang gobyerno.

Exit mobile version
Skip to toolbar