
Gin-anunsyo sang Negros Occidental Electric Cooperative nga magasaka ang ila sukot sa kuryente sini nga November billing.
Mangin P17.23 ang per kilowatt-hour para sa residential rate sang NOCECO.
Mas mataas ini sang masobra piso kung ikumpara sang tinalikdan nga bulan sang Oktubre, kon sa diin masobra P16 ang per kilowatt-hour sang kuryente.
Suno sa NOCECO, nagsaka ang bili sang kuryente bangod man sang pagsaka sa generation charge, transmission kag ancillary charges sang National Grid Corporation of the Philippines, system loss kag pagpatuman sang staggard payment para sa Wholesale Electricity Spot Market October bill.
Dugang pa, suno sa NOCECO nga lauman man ang pagsaka sang presyo sang kuryente sa December 2026 kag January 2027 nga bill, tungod halin November 1 tubtob December 9, ginapaidalom sa Preventive Maintenenance Schedule ang Palm Concepcion Power Corporation, isa sa mga baseload power suppliers sang NOCECO.
Sa ini nga tion, pagakuhaon sang NOCECO ang dako nga portion sang ila power sa Wholesale Electricity Spot Market kun diin posible mag-flactuate ang presyo sini.
Nagpanugyan ang NOCECO sa mga konsumidor nga magkinot sa pag-gamit sang kuryente.
[sibwp_form id=1]