Opisyal na nga nag lagda sang partnership ang IFOAM kag NISARD para sa 2027 nga Organic World Congress sa Negros Occidental.
Sang Biyernes naglagda na ang International Federation of Organic Agriculture Movements ukon IFOAM Organics International para sa isa ka partnership kaupod ang Negros Island Sustainable Agriculture ang Rural Development, Inc ukon NISARD sa pag host sang 22nd IFOAM Organic World Congress and General Assembly sa 2027.
Ginlagdaan ang agreement ni IFOAM Organics International Vice President Marco Schluter kag NISARD President Edgardo Uychiat.
Tuyo sini nga mapabakod pa gid ang global collaboration para sa organic agriculture kag sustainable farming development.
Mismo si Governor Eugenio Jose Lacson ang nag saksi sang ceremonial signing upod sanday Provincial Legal Officer, Alberto Nellas, Jr., kag NISARD Trustee Albert Jo.
Ang amo nga international event ang natalana sa November 2027 kag iga-host sang Provincial Government sang Negros Occidental.
Ginapaabot ang pagtililipon sang mga global leaders, mga practicioner, researcher kag advocates sang organic agriculture.
Ang pagtililipon naga hatag sang platform para sa pag bayluhanay sang ihibalo, policy dialogue kag pag tin-ad pa gid sang sustainable kag regenerative farming systems.
[sibwp_form id=1]