Dugang nga P200M nga pondo nga ginakinahanglan para sa construction sang New Government Center sang Victorias City ang handa na.
Nagamit na sang tinalikdan nga adminstrasyon ang kapin P136M pesos nga pondo halin sa loan agreement agud ibakal sang duta para sa ginplano nga New Government Center sang Victorias City.
Gani ginakinahanglan nga madugangan ang nabilin nga masobra P300M nga pondo para sa construction sang kapin P500M nga New Government Center project nga itukod sa gina-develop nga Sidlak Victorias Global City sa Barangay 13.
Ginpahayag ni incumbent Vice-Mayor JunB Bantug III, gin-redesign kag may mga permits pa nga kinahanglan agud nga tigayon nga masuguran ang proyekto.
Karon nga handa na ang pondo ginpasalig ni Bantug nga iya ini suportahan kun mapilian bilang masunod nga alkalde sang siudad.
Si Bantug ang napili magabulos kay incumbent Mayor Javi Benitez nga nag-anunsyo magapapili sa congressional elections sa 2025.