Pagpapanaog sang arrest warrant kay Provincial Administrator, Rayfrando Diaz ang indi maka apekto sa iya liwat nga pagbalik sa kapitolyo probinsyal sa tion nga iya lubos nga ma serbe ang iya suspension.
Ini suno kay Acting Provincial Administrator, Alberto Nellas, Jr., nga nagsiling man nga ila ginapaabot ang liwat nga pagbalik ni Diaz sa kapitolyo sa tion nga mahuman na ang anum ka bulan nga suspension nga gin papapanaog sang Ombudsman. Paathag ni Nellas may yara pa man sang pending nga motion for reconsideration nga na file si Diaz. Sang Hwebes nag file sang 30,000 pesos nga piyansa si Diaz sa Cadiz Regional Trial Court. Sa mando nga gin papanaog ni Executive Judge Gwendolyn Jimenea sang Cadiz RTC sadtong Agosto 15 nakasaad nga ang cash bond naga garantiya sang provisional liberty ni Diaz pending sang trial sang criminal case nga na file batuk sa iya. Ang kaso ni Diaz nga gina siling may kaangtanan sa pagsupak sa RA 6713 – An Act establiahing a code of conduct and ethical standards for public officials and employees – ang pending sa Municipal Trial Court in Cities sa Himamaylan City. Naga panindugan si Diaz nga siya ang inosente sa mga reklamo batuk sa iya. Nakasaad sa kaso nga si Diaz bilang Provincial Administrator ang nag engage sa private practice bilang abogado kag nag tiglawas sa JLL Agriculture and Development sa isa ka expropriation case sa isa ka hearing sa RTC Himamaylan. Ini apesar nga siya ang isa ka opisyal sang gobyerno probinsyal gani “in conflict or tending to create conflict” sa iya official function.
Suno kay Diaz kasubong ang alegasyon sini sa administrative case man nga iya gina atubang kun sa diin sya ang gin suspend sang Ombudsman. Nagapanindugan si Diaz nga ang iya nga nangin aksyon ang paborable sa Binalbagan nga amo ang nag-file sang expropriation.