Nagbukas na ang 40th Negros Trade Fair sa SM Convention Center Aura, Taguig nga karon may tema nga Butlak.
Dinapit nga bisita si Cabinet Secretary Benjamin Abalos, Jr., nga labing nag dayaw sa mga nasalida nga produkto gikan sa Negros.
Iya gin panginbulahan ang Negros Trade Fair nga sadto nagsugod lamang sa 30 ka mga booth nga nag tanyag sang ila nga mga produkto sa tunga sang krisis nga gin pangatubang sang industriya sang kalamay.
Suno kay Abalos, wala labot sa matahum nga mga produkto, karon nag dako na ini kay nagdangat na gani sa 178 ka mga booth ang naga salida sang ila nga mga produkto.
Sa speech ni Governor Eugenio Jose Lacson, iya pag panghangkat sa mga producers nga padayon sa pag innovate kag mag panikasug para sa excellence.
Tion na suno sa iya nga pabakuron pa gid kun ano ang nasugdan kag engganyuhon ang mga pamatan-on nga mag pakigbahin sa trade fair. Tubtob September 27 ang Negros Trade Fair.
[sibwp_form id=1]