Karon nga bukas na ang probinsya sa commerce kag tourism, cautious optimism naman ang panawagan ni Negros Occidental Governor Eugenio Jose Lacson.
Ginsakdag ang Tourism Summit bilang kabahin sang 22nd Provincial Tourism Week nga natalana sa madason nga semana.
Duha ka tuig na ang pandemic, kag karon suno sa gobernador, bukas na ang probinsya sa commerce kag tourism.
Suno sa iya daku ang sarang sang turismo nga magduso sang economic recovery kag pag tib-ong sang iban pa gid nga mga opportunities.
Ang padayon nga pagnubo sang Covid cases naga hatag sang positive outlook pero dapat mag pabilin ang cautious optimism suno sa iya. Ang krisis nga ginpangatubang bangud sang pandemic suno kay Lacson ang naghatag sang higayon nga mag re-evaluate kag mag re-think kun paano magpadayon para sa mas resilient nga tourism industry.
Samtang, nagbuylog man ang probinsya sa MassKara Festival paagi sa MassKara sa Panaad, mas ginahandaan man sang probinsya ang Panaad sa Negros Festival sa karon.