Suportado sang Negros Power and Electric Corporation ang inisyatibo nga ginaduso ni President Ferdinand Marcos Jr., may angut sa pagpanaog sang presyo sang kuryente sa pungsod.
Ini matapos ang ika lima nga SONA sang Presidente kun sa diin nagpanawagan siya nga kakason ang system loss charges sa kuryente.
Ginsiling ni Negros Power Spokesperson Engr. Leomel Tambanillo, ila nalang ginahulat ang opisyal nga mga pagsulundan gikan sa Department of Energy kag Energy Regulatory Commission sa pagpatuman sang zero system loss charges.
Ang pag kakas sang system loss sa kuryente ang mangin dako nga epekto sa pagnubo sang sukot sa nga ginabayaran sang mga konsumedor.
Ginklaro man sang Negros Power nga indi pa dali-dali nga mag-epekto ang panawagan sang Presidente, kag magapadayon ini sa gihapon sa pagsunod sang mga existing regulations sang DOE kag ERC.
Nagpasiguro man siya magasunod sila sa mga bag-o nga pagsulundan nga ipagwa sang DOE kag ERC.
[sibwp_form id=1]