Sa isa ka advisory gin anunsyo sang Negros Power nga ang average nga residential electricity rate para sa bulan sang Nobyembre ang mangin P15.25 na halin sa P14.27.
Malapit sa piso kada kilowatt hour ang ginsaka sa bili sang kuryente.
Suno sa utility company, ang saka sa bill ang dala man sang pagtaas sang presyo sang kuryente gikan sa Wholesale Electricity Spot Market ukon WESM.
Diri naga bakal sang power supply ang mga electric company ukon cooperative kun kinahanglan ang dugang nga power supply.
Ang pagsaka sa demand sa kuryente kag ang temporary nga pag shutdown sang pila ka mga power plant sa Visayas ang nagresulta sa kulang nga power supply kag pagsaka sang bili sini.
Isa pa gid sa mga rason amo ang pagpaidalom sa Yellow kag Red Alert sang Luzon kag Visayas Grid.
Gani para indi matam-an ang mga konsumedor, amat-amat lang nga ipatuman sang Negros Power ang saka sa balayran.
[sibwp_form id=1]