Nag-ilingos ang mga netizen sang mabatyagan ang pagpatay siga sang ila mga electric appliances pasado la una y media sang ini lang nga hapon.
Magluwas sa mga kunsomidor sang Central Negros electric cooperative, apektado man sang pagpatay siga sang kuryente ang Northern Negros electric Cooperative.
Paathag sang mga power distributor utilities, may yara sang overvoltage sa 138KV line sang National Grid Corporation of the Philippines ukon NGCP nga naka-apekto sa Negros Island, Panay kag Guimaras.
Inoras man ang total blackout sa Panay sini nga hapon.
Gani ang mga estudyante sang Inzo Arnaldo Village Integrated School sa Roxas City, Capiz ang nag-ginuha na sa mga classroom epekto man sang mapaang nga panahon kadungan sang brownout.
Ang mga electric cooperative padayon nga naga-coordinate sa NGCP angut sa unscheduled power interruption.