May dugang naman nga 13 ka bag-o nga kaso sang COVID-19 ang Negros Oriental nga nag lab-ot na sa 1,131 ang total COVID-19 cases.
Pito sa bag-o nga mga kaso ang yara sa Dumaguete City, duha sa Tanjay City, duha sa Sibulan kag tig isa sa Guiuhulngan City kag Bacong.
May 17 man ka new recoveries ang probinsya. 203 sa karon ang active cases sa Negros Oriental.
Samtang, nag allocate na ang siudad sang Dumaguete sang 30 milyones pesos para sa pag bakal sang COVID-19 vaccines.
Suno kay Dumaguete City Mayor Felipe Remollo, initial budget pa lang ini sang siudad kag sila ang maga hulat pa sang dugang nga pondo gikan sa provincial kag national government.
Ginahandaan naman sang siudad ang pag himo sang task force para mag tutok sa COVID-19 vaccination sa mga residente.
Prayoridad suno sa alkalde amo ang health workers, frontliners, essential workers, senior citizens kag head of the families.