Negros Oriental Governor Manuel “Chaco” Sagarbarria ang napilian nga chairman sang Regional Development Council sang Negros Island Region.
Ginpatigayon sining Miyerkules ang Full Council and Sector Committee Organizational Meeting sang RDC NIR sa Plenary Hall sang Negros Oriental Convention Center sa Dumaguete City.
Sanday Governor Eugenio Jose Lacson, sang Negros Occidental kag Governor Jake Vincent Villa sang Siquijor ang nagtambong.
Si Christina Marie Gaston sang Association of Negros Producers naman ang napili bilang co-chair sang RDC.
Ang ila nga mga ngalan ang iga submit sa kay Presidente Ferdinand Marcos Jr para sa final appointment.
Samtang, si Governor Lacson naman ang napili bilang Economic Development Committee chair kag ang co-chair diri si Gaston sa gihapon.
Si Director Lailyn Ortiz naman sang Interior ang Local Government ang napili bilang chairperson sang Development Administration Committee, Co-chair si Carmenia Benosa sang Little Children of the Philippines Foundation, Inc.
Si Mayor Manual Sagarbarria sang Dumaguete City ang napili chairperson sang Infrastructure Development Committee kag co-chair naman si Edward Du sang Negros Oriental Chamber of Commerce and Industry.
Si Mayor Jose Chubasco Cardenas sang Canlaon City ang napilin Chairperson sang Social Development Committee kag co-chair naman si Profetiza Lim sang Negros Oriental Union of Cooperatives.
Yara man ang pila ka mga alkalde sang NIR kag ila nga mga tiglawas, kasubong man ang mga pamuno sang national government agencies.
Ang pagsinapol ang ginpamunuan sang Department of Economy, Planning, and Development ukon DEPDev.