Ini sa gin patigayon nga mga anti-illegal firecracker operations, mga targetted inspection kag strategic checkpoint sa tuyo nga maliwakan ang mga injuries may kaangtanan diri, pag kasunog kag iban pa nga sahi sang hazard.
Ginpatuman ang destruction sang sini nga mga iligal nga palupok kaina sang aga.
Samtang, sa report sang Provincial Health Office humalin December 21 tubtob January 6, may 100 cases sang fireworks related injuries ukon FWRI.
Sang nagligad nga tuig, 107 ang FWRI, nagnubo sa karon sa pito ang kadamuon sang kaso.
Suno kay Provincial Health Officer, Dr Girlie Pinongan, ang Bago City ang may pinaka madamo nga kaso nga gin-report. Sang nagligad nga selebrasyon ang Silay sadto ang may pinaka madamo nga kaso.
Sa 100 cases subong, may tatlo ka kaso sang burn injuries nga may yara sang amputation. Ang nabilin puros na sang blasting kag burn injuries suno kay Pinongan, kay may yara man sang kaso sang eye injuries.
Pinaka damo sa gin-report nga kaso ang yara sa 11 to 20 nga age group.
Trianggulo naman ang kadam-an sa sahi sang palupok nga nagtuga sang kahalitan.
Suno sa PNP madamo man sa sini nga mga kaso ang gikan sa mga ginpamudyot nga palupok.*
[sibwp_form id=1]