Nagsaka sa 171 ang active COVID-19 cases sang Negros Occidental sa March 15 nga datus sini.
Masobra sa 120 diri ang mga stranded individuals nga nag pinauli sa probinsya suno kay Provincial Administrator Atty Rayfrando Diaz.
Masobra naman sa 30 ang mga authorized persons outside residence ukon APOR.
Ang banwa sang Calatrava ang may pinaka madamo nga kaso sang active COVID-19 cases – 22.
Suno kay Diaz ang pagsaka sang kaso sang COVID-19 sa Calatrava ang tuga sang mga nagpinauli gikan sa cebu nga nagpositibo sa virus.
Samtang, karon nga napatuman na ang uniform travel policy, ginaduso suno kay Diaz nga kuntani parehos naman lamang nga rekisitos ang ipatuman sa mga apor agudto nga mas mangin mabakod ang pagpangapin kontra sa virus. Ini ang ginaduso sa DILG suno sa iya.
Suno sa provincial administrator, lain man ang patakaran sa pagbaton sang mga naga abot nga apor pero wala naman nagakasayuran nga sila ang exempted sa virus.
Gin ehemplo ni diaz ang kaso sang DILG officer nga APOR kun sa diin sya ang nagtambong sang anti drug summit sa Negros kag sa iya nga paagbalik sa iloilo nagpositibo ini sa COVID-19 kag bisan pa gani ang kaso man ni Malacanang spokesperson Harry Roque nga sini lamang nagpositibo man sa virus.