547 ka ektariya sang forest land sa Mt Kanlaon Natural Park ang ginapaabot i-rehabilitate.
Ini kasunod sang agreement nga ginsudlan sang probinsya sang Negros Occidental upod sa Department of Environment ang Natural Resources Negros Island Region.
Suno kay Provincial Administrator Rayfrando Diaz nag lagda sang Memorandum of Agreement ang Negros Occidental kag DENR nga gitiglawas nanday Governor Eugenio Jose Lacson kag DENR Regional Executive Director Charlie Fabre sadtong Miyerkules.
Sa 25 ka tuig nga kontrata ginatugutan ang probinsya sa pag rehabilitate sang critical upland watershed sa Sitio Guinam-an sa Brgy Minoyan sa Murcia, paagi sa community-based reforestation program.
Sa idalom ini sang Enhanced National Greening Program framework nga gina mando sa Executive Order 193.
Wala labot sa pag pananom sang kahoy tuyo man sang proyekto nga ma rehabilitate kag ma maintain ang 547 hectares sang NGP graduated plantation gamit ang bamboo species.
Ang DENR ang maga hatag sang specialized technical assistance.
Ang gobyerno probinsyal naman maga pamuno sang administrative kag financial control, magahatag sang funding support para sa local workforce kag maga bulig man sa pag hatag sang manpower.
[sibwp_form id=1]