Probinsya sang Negros Occidental kag ang Northern Territory sa Australia ang natalana nga mag lagda sang Memorandum of Understanding nga maga lakip naman sang bag-o nga mga areas of collaboration.
Suno kay Provincial Administrator Rayfrando Diaz, nga kabahin sang delegation sang probinsya nga nag padulong sa Darwin, Northern Territoy sa Australia, may yara na nga daan sang existing nga MOU ang probinsya kag Northern Territory para sa 2018 tubtob 2022.
“May ara na kita contract with them nga ma expire na 2022,” suno kay Diaz.
Sa liwat nila nga pag lagda sang MOU suno kay Diaz maga lakip ini sang bag-o nga mga collaboration bahin sa patag sang energy labi na ang solar power kasubong man education ang training. Bahin naman sa infrastructure suno kay Diaz gina lantaw nila ang bulk water project.
“And we will just add a few more areas of attention for collaboration. We have exchanged ideas where we are now kun diin both pakadto ang Northern Territory and ang province and we are amazed to hear and see that we have almost the same aspirations. Emerging economy man ni sila sa Australia” suno kay Diaz.
Ang proseso suno sa iya amo nga ang Northern Territory ang maga draft sang bag-o nga MOU kag ini ang iga present nila sa ila nga mga ministers. Kun ma aprobahan ini ang iga present naman sang probinsya sang Negros Occidental sa Sangguniang Panlalawigan para approval kag amo ang paglagdaanay sang paghilisugot.
Mga isa ka semana ang official travel nanday Governor Eugenio Jose Lacson sa Darwin, Northern Territory. Ini ang naga lakip sang ila man nga pag bisita sa mga estudyante nga scholars sang probinsya kasubong man ang mga Negrense workers nga naka trabaho didito paagi sa programa sang Negros Occidental.