Ang sunod-sunod nga pag igo sang bagyo sa Pilipinas nagresulta sa ginatos ka milyon nga halit sa pananum suno sa Department of Agriculture.
Ang probinsya sang Negros Occidental ang isa sa mga may dako nga halit sa palay.
Ginsiling ni DA Deputy Spokesperson Joycel Panlilio nga ang bagyo nga Tino nagbilin sang P159.14 million nga balor sang agricultural damage as of November 8 kag P142.29 million naman sa bagyo nga Uwan sa initial report sang DA.
Suno kay Panlilio sa duha ka bagyo, pinakadako nga na apektohan amo ang palay kag sa bagyo Tino ang Negros Occidental kag Iloilo ang natam-an samtang sa Uwan naman ang Camarines Sur.
Ang Department of Budget and Management nag release na sang P1 billion sa quick response fund para sa pananum kag kasapatan para sa cash aid ukon equipment, kag pagkaayo sang agricultural facilities.
Gina abisuhan ni Panlilio ang apektado nga mga mangunguma kag fisherfolk nga magkadto sa local agricultural offices para sa assistance.
Ang apektado nga mga mangunguma ang sarang man maka avail sang survival and recovery loan program kag sarang man maka file sang claims sa Philippine Crop Insurance Corporation.
Pero suno sa iya kinahanglan nga rehistrado sa Registry System for Basic Sector in Agriculture ukon RSBSA kag small farmer kag fisherfolk lang nga apektado sang kalamidad ang pwede diri.*