Provincial Disaster Reduction Management Council Emergency Operations ang ipaidalom sa blue alert status sumugod sa Lunes.
Suno kay Irene Bel Ploteña effective 5pm sang December 22 tubtob 8am sang January 2, 2026 ipaidalom sa blue alert status ang PDRRMC EOC nga naga lakip sang nag kalain-lain nga ahensya kaangay sang Provincial Health Office, Police, PSWDO, BFP kag iban pa, para sa holiday celebration kag year-end activities.
Nagakasayuran suno kay Ploteña nga may mga naka preposition nga mga resources nga pwede ma deploy sa ano man nga oras. May mga naka standby naman sa mga EOC sa mga nagkalain-lain nga LGU kag sa probinsya.
Naga pahanumdom man si Ploteña nga sa tunga sang kasadyahan indi mag inom kag mag drive, maghalong sa gina kaon nga pagkaon kag sa tanan nga tion ipasiguro ang safety sang tagsa-tagsa.
“Ang safety gid sang aton nga pumuluyo sa subong nga mga Christmas party, like for example those nga nga naga party, as much as possible, drink responsibly kay this time of the year daw kadamo gid sang reported naton nga vehicular accident. Aside from that, ang aton nga gina kaon, because ang hospitals naton, I think subong nga naka white alert man sila”, suno kay Ploteña.*