Padayon nga sirado ang Negros Occidental sa mga turista gikan sagwa sang probinsya.
Mga returning overseas Filipinos kag stranded inviduals lang sa gihapon ang mga ginatugutan.
Suno kay Provincial Tourism Officer Jennylind Cordero, bukas ang probinsya sa mga local tourist lang anay ukon gikan mismo sa mga banwa kag siudad sa Negros Occidental. Kun may mga nag gikan man sa mga kaiping nga probinsya a rehiyon, ini sila ang mga nakalusot lang.
“Maybe those who went there were from Iloilo, may balay sa Bacolod. Basically for leisure within Negros Occidental. I would just like to make it clear within Negros Occidental lang anay. Considering there are cases higher than the other island compared to Negros,” suno kay Cordero.
Daku man ang pagpanghangkat bahin sa recovery ukon pagkatibawas sang local tourism sang mag igo ang pandemya, amat amat ang tikang.
Sang 2019 masora sa 858 thousand ang mga turista nga nag bisita kag nagtenir overnight sa probinsya. Masobra naman sa 2.2 milyones ang mga ginakabig day tourist ukon ang mga nagbisita kag nagbiya man dayon sa amo nga adlaw.
Sang 2020, sa initial nga report gikan sa katorse ka mga LGU masobra sa 203 thousand ang nag bisita kag nagtenir overnnight kag masobra sa 717 thousand naman ang mga day tourist.
Marso sang nagligad nga tuig ginpatuman sugod ang mga restrction kag lockdown.
Ang Negros Occidental suno kay Cordero isa sa mga lugar nga na aprobahan sang Department of Tourism para sa Visita ukon Visitors Information and Travel Assistance digital monitoring plateform sini.
Ini ang naga balor sang 2.5 million pesos kasubong sang gina gamit sang Baguio sang nag bukas ini sa turismo.
Ginahanda karon ang proposal para sa gobernador. Kinahanglan man ang approval sang SP para sa gobernador nga maka lagda sang MOA upod sa Tourism Promotions Board.
“This is a digital app. This is a contact tracing app. This is in preparation for Negros Occidental to open to tourist. So by the time the app will be ready may ara na ta easier to trace. It’s a new normal already we cannot just let go of that we have to do contact tracing also. Madamo kita nakita subong sa internet damo sa immigration nga foreign tourist nga ginabawal magsulod sa Philippines so we strengthen our domestic tourism campaigns,” suno kay Cordero.
May masobra na sa 80 ka mga tourist destination, hotels kag accomodaton sa Negros Occidental ang nahatagan ukon naka apply sang certification gikan sa dot para sila ang maka operate.
Samtang padayon naman ang pagbaton sang lista sang tourism office para sa mga trabahante nga apektado sang pandemya para sa ila nga assistance.