Ang Negros Occidental, Iloilo Province kag Antique ang nagapanguna sa may pinaka madamo nga new dengue cases nga na report.
Sa morbidity week 33, ukon August 14 to 20 nga report sang Department of Health, 414 ang new dengue cases sa rehiyon. Sa nahauna nga tion matapos ang pito ka semana ang new dengue cases sa Western Visayas ang wala naglambot sa 500 cases.
Pero kun ipaanggid ini sa kasubong nga tion sang 2021, 600 percent ini nga mas mataas.
Ang Negros Occidental sa gihapon ang may pinaka madamo nga new reported cases sa amo nga semana, 181, naga sunod naman ang Iloilo Province, 79 cases kag Antique, 35 cases.
May apat naman kag bag-o nga dengue related death. Tatlo diri ang gikan sa Negros Occidental kag isa ang gikan sa Antique. Sa karon ang Negros Occidental ang may 24 ka dengue deaths.
May 27 new cases naman ang Bacolod kag 8 dengue deaths.