May 30 diyas ang probinsya agudto maka diburse ukon maka release sang assistance sa mga mangunguma kag fisherfolks nga apektado sang El Nino phenomenon.
Suno kay Negros Occidental Governor Eugenio Jose Lacson, nag hatag na siya sang instruction sa Office of the Provincial Agriculturist nga dapat sa madason nga semana, masuguran na ang releasing sang 50 million pesos nga pondo nga ginturn-over sa probinsya sang pag-abot ni Presidente Ferdinand Marcos, Jr., sang nagligad nga Hunyo 27.
Ini ang sa idalom sang Presidential Assistance to farmers, Fisherfolks and Families.
Tig 10,000 pesos ang assistance nga mabaton sang identified kag qualified beneficiary.
Gina pasiguro nila nga wala sang duplication nga matabo ukon ang beneficiary dapat wala pa nakabaton sang assistance gikan sa gobyerno national.
“There is already a list that has to be counter checked. We were given 30 calendar days to disburse it. So my instructions to our Agriculture Office is by next week we start distributing already”, suno kay Lacson.
Dugang pa ni Lacson, ginapadasig niya man ang releasing sang assistance sang probinsya nga P 2,000 sa mga mangunguma nga damlag pa gin-identify bangud na apektuhan man sang El Nino phenomenon.