Padayon ang pag panghanda sang probinsya sa kalamidad labi na ang pag pangaman man sa posibilidad sang paglupok sang Bulkan Kanlaon.
10 million pesos nga pondo para sa bugas kag iban nga goods kag hygiene kits para sa relief operation gin pain.
Suno kay Provincial Administrator Rayfrando Diaz, sini nga Setyembre 24 ang bidding para sa bugas, canned goods kag hygiene kits ang natalana.
Paathag niya una ukon ang primary nga maga hatag sang bulig sa mga apektado nga pumuluyo sang kalamidad amo ang natungdan nga LGU, ang probinsya naman ang maga suporta gani naga panghanda man ini.
Gina handa man sang probinsya ang Panaad Park and stadium nga enkaso kinahanglan sang daku nga evacuation maga accommodate man ini sang apektado nga pumuluyo.
Ang camp management team ang gina paidalom man sa training kag refresher course.
Isa man sa plano sang probinsya amo ang pag patukod sang dormitory type nga structure nga mangin multi-use sa Panaad sa tabok sang Emergency Operation Center nga sarang mag serbe nga teniran sang mga evacuees kun may kalamidad ukon ma teneran man sang mga atleta nga naga paidalom sa training.
100 million pesos ang initial nga pondo para diri.