Nag-file na sang motion for reconsideration sa Civil Service Commission ang probinsya sang Negros Occidental angut sa kaso sang anay NOCHP head kasunod sang pag panubo sang penalty nga ginpapanaog sa natungdan.
Ginsiling ni Provincial Administrator Rayfrando Diaz nga sang nagligad nga semana nag file sang MR ang probinsya, antes mag tapos ang reglementary period.
Paathag ni Diaz, ginpahayag ni Governor Eugenio Jose Lacson nga nagakaigo nga mag-file sang MR para man makita sang CSC kun ngaa nagdangat sa dismissal sa serbisyo ang pamatbat sang probinsya kay anay NOCHP head kag assistant provincial Administrator Mina Pellejo.
Sa desisyon nga ginpapanaog sang CSC sadtong Enero 5, gin modify sini ang desisyon ni Lacson. Tigaylo nga dismissal suno sa CSC guilty sa Simple Neglect of Duty si Pellejo nga may pamatbat nga tatlo ka bulan nga suspension nga naga lakip sang disqualification para sa promotion sa sulod sang period of suspension.
Ang kaso ni Pellejo ang nag-ugat sang tion nga siya ang head sang NOCHP kun sa diin may yara sang 86.4 million pesos nga expenditure sang 2019 nga nag resulta sa P1.6 million nga excess sa annual budget. Nag dangat man sa P26.7 million ang amounts payable sang 2019.
Suno sa CSC wala sang substantial evidence nga naga suporta para mangin guilty si Pellejo sa Grave Misconduct kag Gross Neglect of Duty.*
[sibwp_form id=1]