Digicast Negros

Neg Occ may pinaka mataas nga new dengue cases sa rehiyon

Probinsya sang Negros Occidental ang may pinaka mataas nga nga report nga kaso sang dengue sa ika duha nga semana sang bulan sang Enero.

Sa datus nga ginpagwa sang Department of Health Region 6, sa sulod sang duha ka semana, 176 ang na record nga dengue cases sa Western Visayas.

Sa morbidity week 2, ukon January 8 to 14, may 66 ka newly reported dengue cases sa rehiyon. 

Ang Negros Occidental  nag record sang 22 ka new cases.

Sa sulod sang duha ka semana, may 57 ka total dengue cases ang probinsya.

Ginsiling ni Dr Ernell Tumimbang, Provincial Health Officer, nga may tion man nga nagsaka ang kaso sang dengue sang 2022 sa probinsya, pero ila nakit-an ang tuman nga pagnubo sini.

Sa karon sa mas temprano pa suno kay Tumimbang ila nga gina tutukan ini kag padayon ang mga tikang nga gina patuman angut sa kampanya kontra dengue suno sa iya.

Samtang, may 11 naman ka kaso sang dengue sa ika duha nga semana sang Enero ang Antique nga naga sunod sa Negros Occidental.

Ang Capiz ang may napulo ka new dengue cases, sa ika duha nga semana sang Enero.

Exit mobile version
Skip to toolbar