Probinsya sang Negros Occidental ang may yara karon sang 24 ka mga DOH-licensed Primary Care Facilities gikan sa 31 ka mga LGUs sini.
Sa report ni Dr Girlie Pinongan ang Provincial Health Officer sa gin patigayon nga Provincial Leadership and Governance Program Colloquim and Universal Health Care Summit 2026, nagakasayuran nga 77 percent sang mga LGU sa probinsya ang may yara sang license to operate.
Gina pasiguro sini nga ang “Bawat Pilipino”, “Bawat Negrense” ang may yara sang primary care provider.
Suno kay DOH Undersecretary Mary Ann Maestral ang 24 ka DOH-licensed Primary Care Facilities isa sa pinaka mataas sa mga rehiyon.
Ang probinsya ang may yara sang pito ka infirmaries, napulo ka level 1 hospitals, isa ka level 2 kag isa ka apex hospital.
Ang Negros Occidental Comprehensive Health Program naman may yara sang 758,550 ka beneficiaries humalin sang ginsuguran ini.
Sa iya nga speech, ginsiling ni Negros Occidental Governor Eugenio Jose Lacson nga ang probinsya ang naga tuyo sang isa ka people centered governance.
Ang healthcare suno sa iya indi isa ka pribiliheyo kundi isa ka kinamatarong, rason nga ini dapat mangin accessible kag mabatyagan sang kada Negrense.*
[sibwp_form id=1]