Tuyo sang probinsya nga pabaskugon ang tikang kag kumbinsihon pa gid ang katapo sang rebeldeng New People’s Army nga mag balik sa sabak sang gobyerno.
Suno kay Governor Eugenio Jose Lacson isa ang Negros Occidental sa National Task Force to End Local Communist kasubong man sa whole of the nation approach.
Magapadayon ang probinsya suno sa iya sa paghatag sang bulig kag suporta bangud luyag sang gobyerno nga ipa-iway na nila ang pag bitbit sang ila nga armas.
Luyag man sang probinsya suno kay Lacson nga tutukan man ang mga kabataan sang anay katapo sang rebeldeng grupo para mahatagan man sila sang mas maayo nga option.
Sini lamang ginpatigayon ang Transformation Program Planning workshop sa probinsya nga ginsakdag sang Office of the Presidential Adviser on the Peace, Reconciliation and Unity.