May 43 tanan ka mga kumbuyuhan ang nag pakigbahin sa Negros Occidental Bulk Water PPP project investor conference. In-person kag online ang pagpakigbahin sang mga interesado nga partido.
Suno kay Negros Occidental Governor Eugenio Jose Lacson, sa una nga semana sang Nobyembre natalana ang pre-qualifying kun sa diin ang mga kumpanya nga naga tuyo mag-invest sa proyekto ang maga submit sang ila nga mga dokumento para ma assess kun bala sila ang may kapasidad sa pag undertake sang bulk water project nga naga balor sang 1.2 billion pesos.
Ini ang may 34.5 million liters per day nga minimum capacity kag ipaidalom sa isa ka joint venture contract.
Sa Pebrero sa madason tuig patigayunon ang bidding kag sa Abril gina paabot ang announcement sang winner.
May kantidad man nga pa gwaon ang probinsya kag sila ang maga hikot sang right of way.
Suno kay Lacson ini sa tinutuyo nga mapa nubo ang cost para mahatagan sang potable water ang probinsya sa tunga sang kakulang sini.
Ang Imbang kag Malogo River ang gina lantaw mangin source sang bulk water kun sa diin may anum na ka mga water service provider gikan sa Bacolod, Talisay, Silay, Manapla, EB Magalona kag Victorias, ang nagpabutyag sang ila nga intention sa pag-avail.
Pasalig naman sang gobernador nga wala sang sector nga ma sakripisyo sa amo nga proyekto.