Natingala ang isa ka pamilya sa City Heights Subdivision sang ginbutangan sang yellow caution tape ang ila nga gate bisan pa wala man sang isa sa ila ang nagpositibo sa Covid-19 sang Domingo.
Ini karon ang ginapausisa na sang Bacolod Emergency Operation Center sa katapo sang Criminal Investigation and Detection Group kag National Bureau of Investigation Bacolod.
Suno kay Barangay Taculing Punong Barangay Lady Gles Gonzales Pallen, ila na gina-tinguhaan nga makakuha sang kopya sang CCTV nga malapit sa lugar agud mapat-ud ang responsable sa posible pagpangsasko kag pagpamentaha sang wala pa makilal-an nga persona.
Ang pamunuan sang EOC upod sa barangay ang nagapaandam sa publiko batuk sa kasubong nga mga pagpangsakso kag posible pagpangilkil.
Nagapanawagan man sila sa posible mabiktima nga gilayon makig-angut sa PNP ukon sa barangay agud nga matagaan leksyon ang mga responsible.