Ang katapo sang Katapat Company sang 11th Infantry Battalion ang nag hatag sang man power para liwat nga mapatukod ang balay sang nasunogan nga pamilya sa Sitio Lapong Barangay Dahile sa Mabinay, Negros Oriental.
Mayo beinte sais sang masunog ang balay ni Victorino Beronio bangud sang natumba nga kingki.
Maayo lang kay naluwas ni Victorino ang anum niya ka mga kabataan kag siya lang ang naga isahanon nga naga sagod sa ila kay wala na maka pauli pa ang iya misis nga nag trabaho sa Cebu.
Sa bulig sang lokal nga panguluhan sang mabinay sa pagpanguna ni Mayor Joeterry Uy, LDRRMO, Mabinay Bikers Association, kag Boss Amo Youth Group natigayon ang pagpatukod sang bag-o nga puluy-an para sa pamilya Beronio.