Ginkilala sang Philippine Army ang pagkabaganihan ni Chris Jan Pahayahay, isa ka CAFGU nga napatay sa engkwentro sa Sitio Bautista, Barangay Malasibog sa Escalante City sang Setyembre 29.
Subong nga adlaw, nagkadto si Major General Joey Escanillas sa haya ni Pahayahay sa Sagay City kag naghatag sang dugang nga financial assistance, magluwas sa ginhatag sang 79th Infantry Battalion.
Suno sa utod ni Pahayahay nga si Christopher, madamo na ang lugar kun diin nag-duty ang biktima humalin nagsugod ini sa pag-serbisyo sang 2024.
Sang natabo ang engkwentro, duha pa lang ka adlaw nga na-assign sa Brgy. Malasibog si Pahayahay, suno sa iya utod.
10 minutos ang ginlawig sang pagbayluhanay sang lupok sa tunga sang 79th Infantry Battalion kag ginapatihan katapo sang New People’s Army kung diin napatay si Pahayahay kag nasamaran ang duha pa gid ka mga soldado.
[sibwp_form id=1]