Nagdangat na sa pito ang mga napatay bangud sang leptospirosis sa Bacolod.
Pinaka ulihi nga napatay ang isa 32 anyos nga taga Barangay Pahanocoy sa Bacolod sang Setyembre 9 sini nga tuig.
Bulan sang Hunyo sang ulihi nga naka record sang leptospirosis death ang City Health Office.
Humalin sang Enero sini nga tuig, may 25 na tanan ka mga recorded nga kaso sang balatian halin sa higko sang ilaga.
Pinaka madamo ang Barangay Villamonte kag Handumanan nga may tig tatlo ka kaso, tig duha naman ang Felisa, Mansilingan, Banago kag Estefania.
Mas mataas sang 38.9% ang kadamuon sang leptospirosis sini nga tuig kun ikumpara sa amo man nga period sang 2024.
Paandam sang otoridad likawan ang pag ubog kag pag langoy sa baha ilabi na karon nga tig-ululan para makalikaw sa balatian.
[sibwp_form id=1]