Nagdangat na sa P410.2 million ang balor sang ayuda nga na-release sang DSWD para sa mga mangunguma nga apektado sang RSSI ang ila nga katubuhan.
Sa datus sang Department of Social Welfare and Development – Negros Island Region as of September 18, sa Negros Occidental 34,164 ka mga benepisyaryo gikan sa 18 ka mga banwa kag siudad ang nakabaton na sang ayuda sa idalom sang Emergency Cash Transfer. Ini ang naga balor sa P352.7 million nga na-release nga pondo.
Ang siudad sang Kabankalan ang may pinaka damo nga benepisyaryo sa mga LGU sa Negros Occidental – 6,675 beneficiaries ukon nagdangat sa P68.9 million ang tigayon nga na-release nga pondo.
Sa Negros Oriental, may 5,683 ka benepisyaryo gikan sa 13 ka banwa kag siudad. P57.5 million ang na-release nga pondo sa Negros Oriental beneficiaries.
Ginsiling ni Arwin Razo ang regional director sang DSWD-NIR padayon pa ang releasing sang pondo tubtob sa katapusan sang tuig.
Gina hulat nila ang pag download sang dugang nga pondo. Mahimo nga ang kabilugan nga disbursement maga dangat sa masobra P1 billion.
[sibwp_form id=1]