Digicast Negros

Naka tiro sa menor de edad nga ginakabig notorious nga akyat bahay, posible iya man lang sadto nabiktima suno sa pulis

BCPO photo

Wala pa tubtob subong sang identity ang PNP angut sa naka tiro kag nakapatay sa menor de edad nga si Bobby Delos Santos nga ginakabig notorious nga kawatan ukon akyat bahay sang PNP.

Suno kay Police Lieutenant Colonel Ariel Pico, spokesperson sang BCPO, si Delos Santos ukon mas kilala bilang si alyas spider ang ginatudlo sa pila ka mga kaso sang kinawatay sa siyudad.

Kalabanan sang iya target suno kay Pico amo ang mga establisyemento kag mga pamalay sa CL Montelibano kun sa diin nakuha pa sadto sa CCTV ang iya pagpangawat.

Gani naga pati si Pico nga ang nag tiro sa kay alyas spider kahapon sang kaagahon samtang siya ang nagadalagan sa Purok Bayanihan sa Barangay Villamonte ang sadto man iya nabiktima.

Suno kay Pico, posible nga ang mga sadto na biktima ni Delos Santos amo man ang nag tiro sa iya.

Madamo naman abi suno sa pulis ang naga dumot sa iya bangud sang iya nga mga kaso sang pag pangawat.

Exit mobile version
Skip to toolbar