Sa Miyerkules, naka schedule ang Regional Development Council Meeting sang Negros Island Region sa Dumaguete City.
Ginapaabot ang pag tambong nanday Governor Eugenio Jose Lacson sang Negros Occidental, Manuel Chaco Sagarbarria sang Negros Oriental kag Jake Vincent Villa sang Siquijor.
Naga panguna sa agenda suno kay Provincial Administrator Rayfrando Diaz ang pag set-up ukon pag pili sang mangin opisyales sang RDC.
Pilian kun sin-o ang mangin chairperson kag ang iban nga mangin opisyales.
Suno kay Diaz, wala naman si Governor Lacson sang tinutuyo para diri labi na nga siya na ang chairperson sang Regional Peace and Order Council.
Maga tambong man ang mga alkalde sa RDC organizational meeting.
Ini ang ginakabig nga nahauna nga RDC meeting suno kay Diaz.
Kalakip sa mga ginapaabot italakay man ang mga economic kag health agenda kag ang pag set-up sang mga offices.