Nahauna nga Bacolod Water Sports Festival magabukas na sa reclamation area buas.
Nag-inabot na ang mga athleta gikan sa Siargao, Bohol, Boracay, Banate, Capiz, Cebu kag halin sa pungsod Malaysia nga maga-compete para sa nahauna nga Water Sports Festival sa Bacolod Baywalk Recreational Park.
Kabahin sa mga sports events ang bancarera, beach volleyball, marathon swimming kag game fishing. Ginpahayag ni Ma. Kristina Alagaban, overall head sang nahauna nga Water Sports Festival ginalauman nga makahatag sang dugang nga atraksyon ang watersports competition sa siudad kag magapasanyug pa sang sports tourism sa Bacolod.
Nakahanda na ang Bacolod City Police Office, Coast Guard kag PNP Maritime Group upod sa DRRMO para sa pagpasiguro nga mangin matawhay ang summer-long competition nga magatakop sa Abril 28. Gindugang ni Edu Pillora, creative director and events manager, nga ang Water Sports Festival ang magahatag kahigayunan sa mga local athletes sa paghanas sang ila ikasarang ilabi na sa mga international water sports competition.