Gin anunsyo kahapon ni Presidential spokesperson Harry Roque nga siya ang ang positibo sa COVID-19.
Si Roque ang nag upod kay Presidente Rodrigo Duterte sa iya nga pag bisita sa probinsya sang Negros Oriental sang nagligad nga huwebes para sa pag inagurasyon sang nagkalain lain nga mga proyekto.
Suno kay Dr Liland Estacion, ground commander sang provincial IATF, sila karon ang naga patigayon na sang contact tracing sa mga close contact ni Roque sa iya pag bisita sa Negros Oriental ini bisan pa gin pahayag ni Roque nga siya ang nag negatibo sa COVID-19 sang Marso 10, adlaw antes siya nag padulong sa probinsya.
Kabahin sa gin swab na sang probinsya nga mga close contact ni Roque amo ang iya driver, ang nag serbe sa iya sang pagkaon, kag mga nakaupod ya kaon sang siya ang ara sa probinsya. Pero gin dugang ni Estacion nga tanan man ang nag sunod sa health protocols.
Samtang kahapon, gin anunsyo man ni Negros Oriental 1st District Rep. Jocelyn Sy Limkaichong nga siya ang nag positibo man sa COVID-19.
Pero iya gin pahayag nga siya ang asymptimatic ukon wala sang may gina batyag nga simtomas sang balatian.
Iya ini gin post sa iya social media account para mag halong pa gid ang publiko bangud kaangay niya, iya man gin sunod sang matul-id ang health protocols pero sa gihapon siya ang nag positibo sa virus.
Gin pahayag man ni Limkaichong nga wala siya sa Negros Oriental sa pag bisita diri sang presidente lakip na ni Roque nga nag positibo man sa COVID-19.