Nagdangat na sa 3,000 mark ang kadamuon sang dengue cases sa Western Visayas. 354 ang na record nga bag-o nga kaso sang dengue sa rehiyon.
Sa report sang Department of Health, 354 dengue cases ang na report para sa morbidity week 22. Tatlo naman ang bag-o na report nga dengue related deaths.
Ang Negros Occidental sa gihapon ang may pinaka madamo nga gin report new dengue cases – 143.
Kun ipaanggid sa kasubong nga tion sang nagligad nga tuig, 456 percent ini nga mas mataas. May isa man nga na-record napatay bangud sang dengue sa probinsya.
Sa kabilugan ang Negros Occidental may anum na ka dengue related deaths. Ang Bacolod City naman may 23 new cases.
129 percent ini nga mas mataas sang sa nagligad nga tuig. May apat naman ang napatay bangud sang dengue.
Samtang, naga sunod ang antique sa Negros Occidental sa may pinaka madamo nga new dengue cases sa rehiyon – 93.
Sunod naman ang Iloilo province nga may 53 new cases.