21,060 tanan ka mga piso ang nagkalamatay sa sunog kag bag-o gid lamang ini na load sang nagluntad ang sunog sa isa ka poultry farm sa Prk. 5, Buro-buro, Brgy. Alangilan Bacolod City, Martes sang aga.
Suno kay F02 Anthony Val Isansa, investigator on case sang Bureau of Fire Protection (BFP) Bacolod, totally damaged ang poultry farm nga ginapanag-iyahan ni Fidel Henares. Himo sa mixed materials ang iya nga poultry farm.
May mga paso naman sa nawala nga butkon ang isa ka empleyado sang poultry nga si Hernanie Bagaforo.
Nagapadayon pa ang imbestigasyon sang BFP kun ano ang gin halinan sang kalayo. Nagdangat sa P600,000 ang halit nga natuga.