Patay sa Negros Island Region bangud sang Bagyo Tino nagsaka sa 70, missing 66. Mga k-9 units gin gamit na sa search and retrieval operation sa duha ka mga LGU.
Patay sa Negros Occidental bangud sang Bagyo Tino ang nagdangat sa 53 kag 55 naman ang missing.
Ini base sa 12nn nga report sang Provincial Disaster Risk Reduction Management Office sang November 7.
Sa Bago City may walo nga gin-report napatay. Lima naman ang missing.
Sa La Castellana, 10 ang napatay, 18 ang missing.
Ang Murcia may yara sang duha nga napatay kag San Carlos City lima. May tatlo ka missing sa San Carlos.
Ang La Carlota City tatlo ang napatay kag 11 ang missing.
Ang Hinigaran may walo ka napatay kag duha naman ang missing.
Ang Isabela may isa nga napatay kag anum ang missing.
Ang Moises Padilla anum ang napatay kag 12 ang missing.
Ang Pontevedra kag Himamaylan may tig-isa nga napatay.
Ang Binalbagan apat ang patay.
Ang Negros Oriental may 17 ka napatay. 16 diri ang gikan sa Canlaon City kag isa naman ang sa Vallehermoso. Ang Canlaon City may 11 ka missing.
Suno kay Irene Bel Plotena ang pamuno sang PDRRMO Negros Occidental, nag gamit na sang K-9 units ang La Castellana kag La Carlota sa search and retrieval operation sini.
Gin siling namani ni Lt Stephen Polinar ang spokesperson sang Negros Oriental PNP nga wala na sang available nga k-9 units para sa Canlaon City sa karon.