Lalaki gintiro-patay samtang nagamaneho sang iya nga motor.
Patay si Ronald Viñas, 34-anyos residente sang Brgy. Tinongan banwa sang Isabela matapos nga gintiro sang wala makilala nga persona sa Sitio Si-ag, Brgy.
Maytubig banwa sang Isabela kahapon sang hapon.
Suno sa kay Police Major Joseph Partidas ang hepe sang Isabela PNP, ang biktima ang nagamaneho lang sang iya nga motorsiklo gikan sa proper sang banwa kag ini ang padulong sa Brgy. Tinongan.
Gina-alegar sakay man sa motorsiklo ang suspek nga nagtiro sa biktima kag ini ang nakaagum sang madamo nga pilas sa nagkalain-lain nga bahin sang lawas.
Gilayon man nga gindala sa ospital ang biktima apang ini ang napatay.
Nakuha sa crime scene ang apat ka mga basiyo, duha ka mga slugs sang cal. 45 kag nagaguwa man sa imbestigasyon sang kapulisan nga may pila ka mga reklamo sa barangay ang biktima.
Sa karon padayon pa ang imbestigasyon sang kapulisan sa motibo sang krimen.