Isa ka bangkay ang nasapwan kahapon sa kilid sang sapa sa Brgy Haguimit sa La Carlota City.
Sa imbestigasyon sang PNP, isa ka mananagat ang nakapanimaho kag didto iya nakita sa kilid sang sapa ang naga ka agnas nga bangkay sang isa ka persona.
Suno sa pulis, yara sa 45 pasaka ang edad sang nasapwan kag mahimo babaye ini bangud sang nakita nga bra.
May pustiso man ang bangkay nga posible makabulig sa pagkilala sa iya sang iya mga himata.
Ginahibalo pa sang PNP kun may foul play ang kamatayon sang nasapwan nga bangkay.