Natalana nga iga-serbe sang Land Transportation Office-Negros Island Region ang show cause order sa registered owner sang pickup truck sa nag-viral nga video kun diin makita ini nga naga-isi-isi sa dalan kag naga-agi sa opposite lane, sakop sang Bacolod Silay Access Road.
Nakilal-an sang Intelligence and Investigation Unit sang LTO-NIR ang rehistrado nga tag-iya sang salakyan, nga naka-base sa Iloilo City.
Suno sa LTO, ang imbulbado nga salakyan ang ginpaidalom na sa interim alarm samtang nagapadayon ang imbestigasyon.
Nagapakig-angot ang LTO-NIR sa LTO Region 6 agud tigayon na nga maserbe sang show cause order.
Ang insidente makabig nga Reckless Driving ukon isa ka pagsupak sang Section 48 sang Republic Act 4136 ukon ang Land Transportation and Traffic Code, suno sa LTO.
[sibwp_form id=1]