Makita sa video ang pagdaba-daba sang isa ka salakyan pasaka sa Mt. Hermit sa banwa sang Binalbagan, Negros Occidental, Sabado nga adlaw.
Ang salakyan, isa ka Suzuki Ertiga 2020 model nga ginbakal sang tag-iya sang Enero sini nga tuig.
Sakay sang salakyan ang apat ka miyembro sang pamilya gikan Himamaylan City nga magalagaw kuntani sa Hermit mountain, isa sa mga tourist spots sa banwa sang Binalbagan.
Nag-gwa sa imbestigasyon nga nagpondo ang pamilya agud nga magpa-picture kag sa ila pag-gwa kag pagbalikid, nakita na lang nila ngha nagkalayo na ang salakyan.
Suno kay Fire Officer 1 Exxon Ylosorio, fire investigator sang Binalbagan Bureau of Fire Protection nga base sa inisyal nga imbestigasyon, nag-overheat ang engine sang salakyan.
Ang dalan pa Mt. Hermit ang talaklaron kag malayo na sa proper sang Binalbagan.
Yara sa P400,000 ang halit sang kalayo suno sa BFP.
“Ang natabo to, gamay pa lang to tani ang kalayo pag-open niya sang iya nga hood sang engine niya. Maagapan gid to tani kung may fire extinguisher ang ila salakyan. Kag kun biskan may tubig to butang ta, indi man na sa guro ka patay sang engine fire kay ti kalabanan na may gasolina mong. Basyahan mo na tubig, wala gaano, wala siya gapatay, galapta pa gid ang kalayo. So mas importante gid ang fire extinguisher”, suno kay Ylosorio.*
[sibwp_form id=1]