Isa ka bus ang nag gu-ot sa isa ka beach resort kaina sang aga… Pero hinali na lang ini nga naabtan sang hight tide!
Nakibot ang mga yara sa beach resort sa Barangay Old Sagay sa Sagay City kun paano naka lab-ot sa tunga sang dagat ang ini nga bus.
Suno sa mga naka saksi sa insidente, may nag okupar sa amo nga bus para magkadto sa baybay. Nag gu-ot ang goma sini gani nag pangayo sang bulig nga ma rescue.
Pero antes pa man mag abot ang rescue, naabtan na ini sang high tide. Wala na makuha ang bus sa nahamtangan sini samtang naga saka nga naga saka ang tubig.
Tamporaryo ini anay nga nag tusmaw sa dagat samtang gina hulat na naman ang low tide para tigayon ini nga makuha.