Ginkumpirmar ni Councilor Homer Bais, chairman sang Committee on Environment, nga nag-abot na ang 21 ka three-wheeled vehicles sang nagligad nga semana nga gikan sa IPM-CDC.
Nag-file si Bais sang resolusyon nga nagaduso sa IPM-CDC nga tumanon ang ila obligasyon sa kontrata matapos ma-delay ang delivery sang mga salakyan.
Suno sa kay Bais, kabahin ini sang dapat ginhatag sang kompanya sang nag-umpisa pa ang kontrata, apang nadugayan kag karon lang na-turn over nga lapit na matapos ang ila kontrata.
Sa karon, ang mga salakyan yara sa likod sang Bacolod City Government Center samtang ginahulat ang desisyon ni Mayor Greg Gasataya kon sa diin nga mga barangay ini ipanghatag.
Ang three-wheeled vehicles ang gamiton para makasulod sa mga gamay nga dalan sa siudad para sa pagkolekta sang basura.*